Թուֆենկյան Հին Դիլիջան հյուրատունը թույլ կտա Ձեզ վայելել 19-րդ դարի Դիլիջանին հառազատ շքեղությունը։ Բարձր առաստաղները, ձեռագործ ջահերն և իհարկե Թուֆենկյանի վարպետների ձեռքերով գործված հոյակապ գորգերը վերստեղծում են Հին Դիլիջանի տներին հատուկ ճաշասենյակների շքեղությունը։

Հյուրատունն ունի երկու լյուքս սենյակ և տասներկու ստանդարտ հյուրասենյակներ։ Լյուքս սենյակները զարդարված են տեղական մասնագետների ստեղծած փայտյա բարդ և գեղեցիկ փորագրված էլեմենտներով՝ սկսած պատշգամբավանդակներից և դռներից, վերջացրած կահույքով և ճարտարապետական այլ նրբություններով։